tg-me.com/alikerem/15850
Last Update:
كركيعان كركيعان هاليله ميلاد الحسن
كركيعان كركيعان العيون ابد ميغمضن
للصبـــــــح الافراح🌹
گلب المحب مرتاح🌹
كركيعان كركيعان هالليله ميلاد الحسن
❥❍❥❃ 💕꧁꧂💕❃❥❍❥
انهني كل دار المسه
وكل ولد لمه يحرسه
شيعة علي مستانسه
شموع وعطر فواح🌹
گلب المحب مرتاح🌹
والافراح والافراح.. محلاهن علينه اگبلن
كركيعان كركيعان هليله ميلاد الحسن
✍🏻نبضي حسين
❥❍❥❃ 💕꧁꧂💕❃❥❍❥
الافراح عمت كل بلد
اشمحلاه ياهاذا الولد
جبريل هزه بالمهد
حسه بعلو صــداح🌹
گلب المحب مرتاح🌹
هله صاح هله صاح لملاك بي استبشرن
كركيعان كركيعان
هلليله ميلاد الحسن
✍🏻ام زين العابدين لمحمداويه
❥❍❥❃ 💕꧁꧂💕❃❥❍❥
طلعو بهلاهل بسلف
جبريل هليله هتف
مولد ابن خير الشرف
طشو الورد قـــداح🌹
گلب المحب مرتاح🌹
والنجمات النجمات ضون سماهن وشرقن
كركيعان كركيعان هليه ميلاد الحسن
✍🏻خـادمـة الزهـراءام احمد العبوديه زبير
❥❍❥❃ 💕꧁꧂💕❃❥❍
انوار الحسن امشعشعه
مثل الشمس الساطعه
والزهره تشكر قانعه
من الگلب سبـــاح🌹
گلب المحب مرتاح🌹
والجنان والجنان للحسن كلهن ازهرن
كركيعات كركيعات.. هليله ميلاد الحسن
✍🏻ام رحمه الگاظميه
❥❍❥❃ 💕꧁꧂💕❃❥❍❥
هل الفرح جيت الحسن
وارض و سمه يتباشرن
طيور السعاده رفرفن
يامحله هل المصباح🌹
گلب المحب مرتاح 🌹
حور العين حور العين.. بالجنه هنه هلهلن
كركيعان كركيعان هليه ميلاد الحسن
✍🏻ام مهدي الفرطوسيه
❥❍❥❃ 💕꧁꧂💕❃❥❍❥
شعلو الشمع لاجل الفرح
وكل گلب ابجيته انشرح
وطير السعد غنه اوصدح
فرحان مد الجنـاح🌹
گلب المحب مرتاح🌹
مسرات مسرات جيت الكريم بكل زمن
كركيعان كركيعان هليله مولود الحسن
✍ام مرتضى الخزرجي
تمت باقلام شاعرات رابطة الكفوف السخية
غير مبري الذمه الي يحذف اسماء الشاعرات
https://www.tg-me.com/no/قناة الشاعره خادمه ام الحسن ام مهدي الفرطوسيه/com.alikerem
BY قناة الشاعرة خادمة ام الحسن ام مهدي الفرطوسيه
Share with your friend now:
tg-me.com/alikerem/15850